ஒரு மாவட்டதிற்கான ஆசனப்பங்கீடு - ஒரு விளக்கம்

பாராளுமன்ற மொத்த ஆசனங்கள் -225
தேர்தல் மூலம் தெரிவு செய்யப்படுபவை -196
தேசியப் பட்டியல் - 19

மாவட்ட ரீதியான ஆசனப்பங்கீடு

(1) மாவட்டத்தில் வெற்றியீட்டிய கட்சிக்கு - 1 மேலதிக ஆசனம்
(2) செல்லுபடியான மொத்தவாக்குகளில் 5% இற்கு குறைவாகப் பெற்ற கட்சிக்கு ஆசனம் ஏதும் கிடைக்காது...
(3) மாவட்டத்திற்கான மொத்த ஆசனங்களில் ஒன்று போக மீதி பங்கிடப்படும்.
(4)  செல்லுபடியான மொத்தவாக்குகளில் 5% இற்கு குறைவாகப் பெற்ற கட்சிகளின் வாக்குகள் கழிக்கப் பட்டு ஒரு ஆசனதிற்கு தேவையான வாக்குகள் கணிக்கப்படும்..

உதாரணம்: 
திகாமடுல்ல மாவட்டம்(7 ஆசனங்கள்)

மேலதிக ஆசனம் ஒன்று போக பங்கிடப்படும் ஆசனங்கள் 6.
மொத்த செல்லுபடியான வாக்குகள்(2014) : 256,946

கட்சி	வாக்குகள்	வீதம்
ஐ.ம.சு.கூ.	132,096	51.41%
ஐ.தே.க.	90,757	35.32%
இ.த.அ.க.	26,895	10.47%
ஏனையவை	7,198	5% இலும் குறைவு

அதிகூடிய வாக்குகளைப் பெற்ற கட்சி ஐ.ம.சு.கூ 1 மேலதிக ஆசனத்தைப் பெறுகிறது.

கட்சி	ஆசனங்கள்
ஐ.ம.சு.கூ.	01
ஐ.தே.க.	0
இ.த.அ.க.	0

தொடர்புடைய வாக்குகள் =செல்லுபடியான வாக்குகள் - 5% இலும் குறைவான கட்சிகள் பெற்ற வாக்குகள் 

தொடர்புடைய வாக்குகள் = 256,946 - 7,198 = 249,748 ஒரு ஆசனத்திற்கு தேவையான வாக்குகள் = 249,748/6 = 41, 625 ஆகவே கட்சிகள் பெறும் ஆசனங்கள்

கட்சி	ஆசனங்கள்	எஞ்சிய வாக்குகள்
ஐ.ம.சு.கூ.	01+03=04	7,222
ஐ.தே.க.	0+02=02	7,508
இ.த.அ.க.	0+0	26,895

மொத்தமாக 6 ஆசனங்கள் பங்கிடப்பட்டுவிட்டன. ஆனால் ஒரு ஆசனம் எஞ்சி இருக்கிறது..
அது எஞ்சிய வாக்குகளில் அதிகம் பெற்ற கட்சிக்கு வழங்கப்படும்.
அந்த வகையில் இ.த.அ.க. க்கு எஞ்சிய ஒரு ஆசனம் கிடைக்கும்..

இறுதி ஆசன நிலவரம்

கட்சி	ஆசனங்கள்
ஐ.ம.சு.கூ.	4
ஐ.தே.க.	2
இ.த.அ.க.	1